កំណាព្យ ៖ កូនខ្មែរកាត់ចិនបេះដូងខ្មែរ
បទពាក្យ ៧
- ខ្ញុំជាកូនខ្មែរកាត់ចិនក្លាយ មកពីស្រុកអាយកំពង់ឆ្នាំង
ខ្មែរខ្លះបែរចោទថាខ្ញុំខ្មាំង ព្រោះឈ្មោះខ្ញុំនេះមិនដូចខ្មែរ។ - ខ្ញុំឈ្មោះឆេងអ៊ួចិត្តមិនស្មូ មានចិត្តអាសូរដូចអ្នកដែរ
បេះដូងខ្ញុំមួយជួយមិនប្រែ ស្លាប់រស់ជាខ្មែរតកូនចៅ។ - សូមទុកចិត្តចុះទោះដល់ណា មិនភ្លេចចំការស្រែញាតិផៅ
សណ្តាយសណ្តាន់ម្ជូរម្រះព្រៅ ប្រហុកមិនខ្លៅធ្វើប្រាជ្ញបាន។ - ខ្ញុំសែនស្រលាញ់វប្បធម៌ខ្មែរ ក្រុងចំការស្រែផៅសណ្តាន
អភិវឌ្ឍអភិរក្សផ្សព្វផ្សាយបាន ផ្កើងផ្កានរុងរឿងដូចសម័យអង្គរ។
និពន្ធដោយ យី ឆេងអ៊ួ ហៅប៉េង បណ្ណារក្ស ភ្នំពេញ 17-តុលា-2010
សមាគមសិក្សា 