កោះពេជ្រ អនុស្សាវរីយ៍បែបណាសម្រាប់ខ្មែរ?

កោះពេជ្រ អនុស្សាវរីយ៍បែបណាសម្រាប់ខ្មែរ?

ផ្សាយក្នុងផ្នែក ព័ត៌មានសង្គម ដោយ Sopheabros កាលពី 2 days ago

ស្របពេលដែលគណៈកម្មាធិការជាតិ គ្រប់គ្រង គ្រោះមហន្តរាយ បានបញ្ចេញអោយដឹងថាអ្នកស្លាប់បានឡើងបន្ថែមម្នាក់ទៀតកាលពីម្សិលមិញនោះយុវវ័យបានបញ្ចេញទស្សនៈខុសគ្នាមួយចំនួនជុំវិញករណីនៅកោះ ពេជ្រ។

សានគង់រដ្ឋានិស្សិតផ្នែកព័ត៌មានវិទ្យានៅមហាវិទ្យាល័យឯកជនដែលមានមូលដ្ឋានក្នុងខណ្ឌ៧មករាច្រានចោលគំនិតដែលថាគួរធ្វើអោយកោះ ពេជ្រធម្មតាដូចមានរឿងអ្វីកើតឡើង។ដោយ ទឹក មុខ ឈឺ ចាប់រដ្ឋានិយាយនឹងSabayថា“បងឯងមើលទៅLaptop នេះបងខ្ញុំទើបតែទិញអោយបាន៣អាទិត្យទេតែឥឡូវគាត់នៅគេងពេទ្យនៅឡើយ!ពេទ្យថាជើងគាត់ប្រហែលអាចនឹងពិកា!ឥឡូវយើងខំធ្វើចលនាជើងគាត់រាល់ថ្ងៃតែសង្ឃឹមថាគាត់ធ្វើការវិញបាន”។

ពលរដ្ឋ មួយរូបទៀតហើយបាន ស្លាប់នៅមន្ទីរពេទ្យ កាល់ម៉ែតដោយការសង្គ្រោះមិនមានលទ្ធផលព្រោះរបួសមានលក្ខណៈធ្ងន់ធ្ងរពេក។គង់រដ្ឋានិយាយថា“បើអ្នកគ្មានសាច់ញាតិឈឺចាប់ក្នុងរឿងហ្នឹងអ្នកចេះតែនិយាយស្រួលហើយ!និយាយម៉េចក៏បានតែបើអ្នកឃើញសាច់ញាតិស្លាប់រឺកំពុងវេទនាដោយសារវា អ្នកនឹងនិយាយលែងចេញហើយ!សម្រាប់ខ្ញុំ វាជានរកភ្នែកស្រស់មួយ!”។

សាក្សីរស់នៃព្រឹត្តិការណ៍ដ៏អនោចអធម៌នោះចំនួន ២៥៧នាក់ កំពុងបន្តនៅសម្រាកព្យាបាលរបួសទាំងធ្ងន់ និងស្រាលនៅតាមមន្ទីរពេទ្យនានា នៅរាជធានីភ្នំពេញ ហើយប្រមុខរដ្ឋាភិបាលដែលអះអាងថាមិនមានអ្នកណាទទួលកំហុសក្នុងរឿង នេះបានអះអាងថារដ្ឋាភិបាលនឹងធានាលើការព្យាបាលក្រៅប្រទេសសម្រាប់អ្នកដែលមានស្ថានភាពធ្ងន់ធ្ងរ៕

ទីក្រុងរណបកោះពេជ្រ គឺជាគម្រោងរបស់ក្រុមហ៊ុន Oversea Cambodian Investment Cooperation (OCIC) នៅមុនពេលទទួលបានសិទ្ធិវិនិយោគពីរដ្ឋាភិបាល។

តាំង វណ្ណានៅមហាវិទ្យាល័យរួមជាមួយរដ្ឋាលើកឡើងថា “គាត់ឈឺចាប់យើងដឹងតែយើងក៏មិនចង់អោយគាត់ចងចាំការឈឺចាប់ហ្នឹងដល់ថ្នាក់ចោទជាបញ្ហាដល់អនាគតខ្លួនដែរ!បើវាជាអនុស្សាវរីយ៍មិនល្អចាំបាច់អីត្រូវចាំវាអោយយូរពេកនោះ?”។

ទោះយ៉ាងណាសាន គង់រដ្ឋានិយាយថា“កោះ ពេជ្រជា អនុស្សាវរីយ៍ ដ៏ឈឺចាប់របស់ខ្មែរដែលជាអ្នករងគ្រោះ”។

មនុស្ស៣៥២នាក់ត្រូវបានប្រកាសជាផ្លូវការថាបានស្លាប់ដោយពាក់ព័ន្ធនឹងព្រឹត្តិការណ៍នោះ។ពាក្យចចាមអារាមជាច្រើនបានបង្កអោយមានការសន្និដ្ឋានខុសគ្នាលើព្រឹត្តិការណ៍អកុសលនោះ ហើយប្រមុខរដ្ឋាភិបាលបានសម្រក់ទឹកភ្នែកនៅពេលរំលឹកដល់ សោកនាដកម្មនេះ។ទោះ យ៉ាងណា រដ្ឋសភាខ្មែរបានបដិសេធមិនទទួលយក សំណើរបស់គណបក្សប្រឆាំងក្នុងការបង្កើតគណៈកម្មការឯករាជ្យមួយដើម្បីធ្វើការស៊ើបអង្កេតលើមរណភាពដ៏រង្គាលនោះទេ។

អត្ថបទៈវិបុត្រ

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s