ទឹកចិត្តបងប្រុស ដោយ យី ឆេងអ៊ួ ហៅ ប៉េង

កំណាព្យ ទឹកចិត្តបងប្រុស
បទពាក្យ ៧

  1. ទឹកចិត្តបងប្រុសដូចពុកម៉ែ                  ចេះថ្នាក់ថ្នមថែប្អូនប្រុសស្រី         ស្វែងរកអាហារនំចំនី                              ស្វែងរកអ្វីៗផ្គាប់ចិត្តប្អូន។
  2. ឲ្យតែប្អូនបានជួបសុខៈ                          មិនចេះអន់អាក់ចាត់ដូចកូន
    រុកកាត់ព្រៃផ្សៃងងឹតសូន្យ                      ឆ្លងព្យុះទូកក្បូនមិនត្អូញហត់។
  3. ឃើញប្អូនធ្វើខុសខំតម្រង់                      មិនចាំបង្អស់ប្រៀនហ្មត់ចត់
    ប្រដៅដើរផ្លូវល្អប្រាកដ                            មិនខ្លាចនឿយហត់ ឬប្អូនខឹង។
  4. ពេលពុកទៅស្រែម៉ែមិននៅ                    គិតក្នុងគិតក្រៅព្យាយាមប្រឹង
    ដាំបាយស្លរអាំងដុតស្ងោរឆឹង                ឲ្យតែព្រលឹងប្អូនបានឆី។
  5. ប្អូនញ៉ាំឆ្អែតហើយគេងលក់អស់           មិននៅស្ងៀមសោះខំលកលៃ
    រែកទឹកពុសអុសគក់ភួយស្បៃ                លុះពេលរាត្រីចរមកដល់។
  6. ពេលយប់បងប្រុសមិនកណ្ដើយ           ញ៉ាំបាយរួចហើយខំតំកល់
    បង្រៀនប្អូនឲ្យចេះគ្មានសល់                  វិជ្ជាថ្កើងថ្កល់ស្រស់ទងវង។
  7. ជួនមានថ្ងៃខ្លះពុកម៉ែថា                            បងប្រុសនេះណាខុសទំនង
    បន្ទោសប្អូនក្មេងថាខុសឆ្គង                    ថាខុសទំនងគ្មានដើមចុង។
  8. ពេលខ្លះត្រូវប្អូនចោទបងថា                    ខុសក្បួនតម្រាចារទុកក្នុង
    ពាក្យចាស់ពីព្រេងម្តេចលះបង់               ម្ដេចក៏បងល្ងង់លម្អៀងឆ្ងាយ។
  9. ទោះប្អូនចោទថាបងលម្អៀង                  តិចច្រើនមិនទៀងខុសពីម្ដាយ
    ខុសពីច្បាប់ពុកមិនបរិយាយ               ចិត្តបងមិនឆ្ងាយស្រលាញ់ប្អូន។

    និពន្ធដោយ យី ឆេងអ៊ួ ហៅ ប៉េង
    បណ្ណារក្ស
    ភ្នំពេញ 21-តុលា-2010

កូនខ្មែរកាត់ចិនបេះដូងខ្មែរ ដោយ យី ឆេងអ៊ួ ហៅប៉េង

កំណាព្យ ៖ កូនខ្មែរកាត់ចិនបេះដូងខ្មែរ
បទពាក្យ ៧

  1. ខ្ញុំជាកូនខ្មែរកាត់ចិនក្លាយ                   មកពីស្រុកអាយកំពង់ឆ្នាំង
    ខ្មែរខ្លះបែរចោទថាខ្ញុំខ្មាំង                    ​ព្រោះឈ្មោះខ្ញុំនេះមិនដូចខ្មែរ។
  2. ខ្ញុំឈ្មោះឆេងអ៊ួចិត្តមិនស្មូ                    មានចិត្តអាសូរដូចអ្នកដែរ
    បេះដូងខ្ញុំមួយជួយមិនប្រែ                  ស្លាប់រស់ជាខ្មែរតកូនចៅ។
  3. សូមទុកចិត្តចុះទោះដល់ណា            មិនភ្លេចចំការស្រែញាតិផៅ
    សណ្តាយសណ្តាន់ម្ជូរម្រះព្រៅ          ប្រហុកមិនខ្លៅធ្វើប្រាជ្ញបាន។
  4. ខ្ញុំសែនស្រលាញ់វប្បធម៌ខ្មែរ             ក្រុងចំការស្រែផៅសណ្តាន
    អភិវឌ្ឍអភិរក្សផ្សព្វផ្សាយបាន      ​​​​  ផ្កើងផ្កានរុងរឿងដូចសម័យអង្គរ។

និពន្ធដោយ យី ឆេងអ៊ួ ហៅប៉េង  បណ្ណារក្ស ភ្នំពេញ 17-តុលា-2010

ខ្សែជីវិតអ្នករើសសម្រាម​ ដោយ យី ឆេងអ៊ួ ហៅ ប៉េង

ខ្សែជីវិតអ្នករើសសម្រាម
បទពាក្យ៧

  1. ក្ររើសសំរាមហៅក្រមហា                        ក្រនៅចំការក៏មិនស្មើ
    ខ្វះគ្រប់ខ្វះសព្វទោះជណ្តើរ                        គ្រឿងផ្សំប្រហើរក៏ខ្វះទៀត។
  2. ខ្វះគ្រឿងហូបចុកខ្វះខោរអាវ                      ខ្វះក្នុងខ្វះក្រៅរំដេងល្មៀត
    ខ្វះចំណេះដឹងល្អវរនាថ                            ខ្វះល្បិចស៊កសៀតនិយាយស្តី។
  3. គេចេះគេមានជំនាញល្អ                            សុខភាពបវរទ្រព្យប្រពៃ
    ចង់ហូបរស់រៀនគ្មានភិតភ័យ                      ឯខ្ញុំក្រក្រីរស់វេទនា។
  4. ទោះក្រលំបាកក្តីម្តេចម្តា                            ខ្ញុំកូនខេមរាស៊ូមិនរា
    ខំរៀនរកច្នៃគ្រប់វេលា                                       រុករកទីណាត្រាបានសុខ។
    និពន្ធដោយ យី ឆេងអ៊ួ ហៅ ប៉េង
    បណ្ណារក្ស
    25-សីហា-2010

នំបញ្ចុក ដោយ យី ឆេងអ៊ួ

នំបញ្ចុក

  1. 1. សូមជួយទិញនំបញ្ចុកខ្ញុំ                              ដែលមានគ្រឿងផ្សំខ្មែរគ្រប់មុខ
    សម្លប្រហើរច្នៃគ្រប់ស្រុក
    បន្លែបន្លុកកៀនរបង។
  2. 2. សម្លប្រហើរបុកសាច់ត្រី                                   រសឆ្ងាញ់តិចអីប្រហុកផង
    ខ្ទឹមសស្លឹកគ្រៃបុកច្រើនដង                              ញាតិមិត្តប្អូនបងឆ្ងាញ់ពិសា។
  3. 3. មានបន្លែស្រស់ច្រើនមិនខ្វះ                              កន្ទំថេតប៉ះត្រួយស្វាយតា
    ត្រួយព្រឹងព្រលិតឆ្ងាញ់ចិន្តា                              ត្រសក់ចំការត្រយ៉ូងចេកខ្មែរ។
  4. 4. មានភ្លៅកង្កែបមានត្រួយរាំង                             ភ្លៅកង្កែបចាំងបៃតងដែរ
    ងាយស្រួលរកបេះលើដីខ្មែរ                             ទោះចំការស្រែច្រើនភោគក្តា ។
  5. 5. ខ្ញុំរែកដើរលក់ពីព្រលឹម                                    ក្នុងចិត្តសង្ឃឹមរៀលដុល្លារ
    ចំណូលផ្គត់ផ្គង់ដល់គ្រួសារ                              ថែបុត្រធីតាឲ្យក្សេមក្សាន្ត។
  6. 6. នំបញ្ចុកខ្មែរគុណភាពល្អ                                  អ្នកលក់ស្មោះសក្នុងសន្តាន
    មិនប្រើគីមីនាំសុខសាន្ត                                   ខ្មែរយើងរស់បានមង្គលអើយ។
    ភ្នំពេញ ព្រលឹមថ្ងៃទី ២១ ខែ ធ្នូ ឆ្នាំ ២០១០ និពន្ធដោយ យី ឆេងអ៊ួ (ប៉េង) បណ្ណារក្ស

ទឹកគ្រឿង បទ ពាក្យ ៧ ដោយ យី ឆេងអ៊ួ

កំណាព្យ ទឹកគ្រឿង
បទ ពាក្យ ៧

  1. ទឹកគ្រឿងខ្មែរច្រើនឆ្ងាញ់ពិសា                    តពីដូនតាចំការក្រុង
    ខ្មែរលើខ្មែរក្រោមមិនបោះបង់                     សម្រាំងផ្ចិតផ្ចង់គ្រប់វេលា។
  2. ទឹកគ្រឿងខ្មែរផ្សំពីប្រហុក                           សាច់ត្រីក្រឡុកបញ្ចូលគ្នា
    សណ្តែកដីខ្ទឹមឈ្ងុយយោលយារ                អមស្រេចជាគ្នាអន្លក់ខ្ចី។
  3. ទឹកគ្រឿងខ្មែរឆ្ងាញ់អមម្ទេសខ្មាំង                 បាយក្តៅបាយក្តាំងដាំថ្មីៗ
    ទាក់ចិត្តពុកម៉ែញាតិតាយាយ                     ញ៉ាំយប់ញ៉ាំថ្ងៃមង្គលល្អ។
  4. បានឆ្ងាញ់ទឹកគ្រឿងមិនភ្លេចគុណ               ស្រស់ឆោមល្វតល្វន់ចិត្តបវរ
    ចេះតុបចេះតែងចេះដាំស្ល                          ជួបជ័យមិនក្រតរៀងទៅ។
    និពន្ធដោយ យី ឆេងអ៊ួ ហៅ ប៉េងបណ្ណារក្ស  ថ្ងៃទី ០១ ខែធ្នូ ឆ្នាំ ២០១០

របៀបវារ វេទិកាអ្នកនិពន្ធ ទិវានៃការអាន ថ្ងៃទី ១៦ ខែ ឆ្នូ ឆ្នាំ ២០១០

របៀបវារ
វេទិកាអ្នកនិពន្ធ ទិវានៃការអាន ថ្ងៃទី ១៦ ខែ ឆ្នូ ឆ្នាំ ២០១០

ក. ពីម៉ោង ៧:០០ ដល់ ម៉ោង ៩:០០(នៅឆាកធំ)
ខ.ព្រឹក ( ៩:១០ – ១១:៤៥)

រយៈពេល កម្មវិធី អ្នកទទួលខុសត្រូវ
២នាទី ប្រកាសកម្មវិធីនិងស្វាគមន៍  
៥នាទី ច្រៀងចំរៀងបទ ស្វាគមន៍ភ្ញៀវទេសចរ ជាពួកអមដោយភ្លេងបុរាណខ្មែរ
៥នាទី ស្មូត្រកំណាព្យ  ប្រយោជន៍នៃការអាន ក. ស៊្រុន ជាងហៀ រៀនថ្នាក់ P3A
៣៥នាទី ការបង្ហាញបទពិសោធន៍(ការអាន ការតែងនិពន្ធនិងរៀបរៀង) អ្នកនិពន្ធ គឹម ចាន់ណា
១០នាទី ការអានរឿង ការអានបង្កើនចំណេះដឹង(និពន្ធដោយ ក.សងស្រីម៉ុម) ក.ពិន សុវណ្ណសូរិយា រៀនថ្នាក់ P3D
៥នាទី ច្រៀងចំរៀងបទ ស្មារតីខ្មែរ ជាពួកអមដោយភ្លេងបុរាណខ្មែរ
៣៥នាទី ការបង្ហាញបទពិសោធន៍(ការអាន ការតែងកំណាព្យនិងចំរៀង) អ្នកនិពន្ធ នព ហង្សផលា
៥នាទី ច្រៀងចំរៀងបទ យើងជាកូនខ្មែរ ជាពួកអមដោយភ្លេងបុរាណខ្មែរ
១០នាទី ការអានរឿង កូនប្រុសខុសហើយ(និពន្ធដោយ ក.ភាព ស្រីលាភ) ក. គឹម ស្រីរ័ត្ន រៀនថ្នាក់ P3E
៣៥នាទី ការបង្ហាញបទពិសោធន៍(ការអាន ការនិពន្ធរឿងព្រេងនិងប្រលោមលោក) អ្នកនិពន្ធ ប៉ាល់ វណ្ណារីរក្ស
៥នាទី ច្រៀងចំរៀងបទ ស្រលាញ់ការអាន ជាពួកអមដោយភ្លេងបុរាណខ្មែរ
១០នាទី ការអានរឿង ពន្លឺនៃជីវិត(និពន្ធដោយ ល.ស៊ឹម បញ្ញា) ក. ស៊្រុន ជាងហៀ រៀនថ្នាក់ P3A

គ.ពីម៉ោង ១២:០០ – ១:៣០) ពិសារបាយ(នៅភោជនីយដ្នាន ឈូកស) និងសម្រាកសៀល​(បណ្ណាល័យវិជ្ជាជីវៈ)
ឃ.រសៀល (១:៣០ – ២:៥០)

រយៈពេល កម្មវិធី អ្នកទទួលខុសត្រូវ
៣នាទី ច្រៀងចំរៀងបទ ដើមត្នោត ជាពួកអមដោយភ្លេងបុរាណខ្មែរ
៥នាទី ស្មូត្រកំណាព្យ  អានមានច្រើនយ៉ាង និពន្ធដោយ ជួប ពិសិដ្ឋ ក. ស៊្រុន ជាងហៀ រៀនថ្នាក់ P3A
១០នាទី ការអានរឿង វាសនានារីរោងចក្រ(និពន្ធដោយ ក.ម៉ី ស្រីនី) ក.ពិន សុវណ្ណសូរិយា រៀនថ្នាក់ P3D
៣០នាទី ការបង្ហាញបទពិសោធន៍(ការអាន ការនិពន្ធរឿងនិងកំណាព្យ) អ្នកនិពន្ធ ច័ន្ទ សុខអហំ
១០នាទី ការអានរឿង កោះសុបិន(និពន្ធដោយ ក.ពៅ តុលា) ក.ពិន សុវណ្ណសូរិយា រៀនថ្នាក់ P3D
៥នាទី ច្រៀងចំរៀងបទ ឱផ្ទៃស្រុកខ្មែរ ជាពួកអមដោយភ្លេងបុរាណខ្មែរ
២៥នាទី ការបង្ហាញបទពិសោធន៍(ការអាន ការតែងកំណាព្យនិងចំរៀង) អ្នកនិពន្ធ យូ សុភា
៥នាទី ច្រៀងចំរៀងបទ ចំរៀងកសិករ ជាពួកអមដោយភ្លេងបុរាណខ្មែរ
១០នាទី ការអានរឿង នំកង(និពន្ធដោយ ល.ហេង ឧត្តម) ក. គឹម ស្រីរ័ត្ន រៀនថ្នាក់ P3E
១០នាទី ការបង្ហាញបទពិសោធន៍របស់ក្រុមពន្លកអ្នកនិពន្ធ អ្នកនិពន្ធ ប៉ាល់ វណ្ណារីរក្ស
៥នាទី ច្រៀងចំរៀងបទ មិត្តអើយយើងហើយ ជាពួកអមដោយភ្លេងបុរាណខ្មែរ
  1. 1. អ្នកនិពន្ធជានរណា? អ្នកនិពន្ធមានភារៈកិច្ចធ្វើអ្វីខ្លះ? អ្នកនិពន្ធមានប៉ុន្មានប្រភេទ? ហេតុអ្វីចាំបាច់ត្រូវ​មានអ្នកនិពន្ធ? ធ្វើដូចម្តេចដើម្បីក្លាយជាអ្នកនិពន្ធដែលមានកេរ្តិ៍ឈ្មោះល្បី? ដូចម្តេចដែល​ហៅថាអ្នក​និពន្ធល្អ? អ្នកនិពន្ធនិងអ្នករៀបរៀងខុសគ្នាដូចម្តេច?
  2. 2. រឿងព្រេងនិងរឿងប្រលោមលោកខុសគ្នាដូចម្តេច? ធ្វើដូចម្តេចទើបអាចនិពន្ធឬរៀបរៀងជាសៀវភៅ មួយដែល​មានគុណភាពនិងប្រកបដោយភាពទាក់ទាញក្នុងចំណោមអ្នកអានបាន? រឿងព្រេង រឿងប្រលោមលោក រឿង​ភាគនិទាន រឿងជីវប្រវត្តិមួយណាដែលងាយសរសេរជាងគេ? ការវាយតម្លៃ រឿងឬស្នាដៃមួយបានតើគេ​ត្រូវឈរ​លើគោលការណ៍អ្វីខ្លះ? ការតែងនិពន្ធបែបខ្មែរ ប្រទេសអាស៊ី និងអឺរ៉ុប ខុសគ្នាដូចម្តេច?
  3. 3. កំណាព្យជាអ្វី? កំណាព្យមានប៉ុន្មានប្រភេទ? គេប្រើប្រាស់កំណាព្យក្នុងគោលបំណងអ្វីខ្លះ?  កំណាព្យខ្មែរនិង​បរទេសខុសគ្នាដូចម្តេច? កំណាព្យ កំរងកែវ ចំរៀង ខុសគ្នាត្រង់ចំនុចណាខ្លះ? ប្រភេទកំណាព្យណាខ្លះ​ដែលអាច​ច្រៀងជាចំរៀងបាន? កំណាព្យដែលល្អត្រូវឈរលើចំនុចណាខ្លះ?
  4. 4. អ្នកនិពន្ធនិងអ្នកកាសែតខុសគ្នាដែរឬទេ? បើខុសគ្នាខុសត្រង់កន្លែងណាខ្លះ?
  5. 5. អ្នកនិពន្ធ គ្រូបង្រៀន សិស្សានុសិស្ស បណ្ណារក្ស អ្នកបោះពុម្ពផ្សាយ ការអប់រំ ឪពុកម្តាយ សិល្បករ អ្នកការសែត អ្នកវប្បធម៌​មានទំនាក់ទំនងគ្នាយ៉ាងដូចម្តេច?

ធ្វើដូចម្តេចដើម្បីអាចជ្រើសរើសសៀវភៅល្អមួយសម្រាប់អានបាន? ធ្វើដូចម្តេចដើម្បីឲ្យចូលចិត្តអាន សៀវភៅ? គួរអានពេលណាទើបល្អ? ធ្វើដូចម្តេចដើម្បីសៀវភៅឲ្យបានឆាប់យល់ន័យសំខាន់បាន?

បដារផ្សព្វផ្សាយពីទិវានៃការអាន ឆ្នាំ ២០១០

កំណាព្យ «ប្រវត្តិ» ដោយខូ តារាឫទ្វិ

ប្រវត្តិ


by Tararith
រំពឹងគិតដល់ប្រវត្តិសាស្រ្ត                   ឃើញច្បាស់ណាស់ខ្មែរតែងបែកបាក់
សង្រ្គាមបង្ខាតយ៉ាងប្រក្យត្ស               បែងចែកពួកបក្សតាមគេញឹង។
ប្រវត្តិសង្រ្គាមតកូនចៅ                          នៅស្នាមដំបៅដល់ថ្ងៃហ្នឹង
ខ្មែរអើយអត់ធនកុំរឹងត្អឹង                       ក្រែងអស់ព្រលឹងអស់ទឹកដី។
ប្រជាសព្វថ្ងៃរស់យ៉ាងណា                    មានតែបញ្ហាអន្ដិរិថី

ជិះជាន់ប្រវញ្ច័គ្មានសំចៃ                     គេចូលប្រល័យដល់ឫសគល់។